Nigeria: Za a hana likitoci aiki na kashin kansu

98265639_gettyimages-96156079.jpg


Nigerian doctorsHakkin mallakar hoto
Getty Images

Image caption

Gwamnatin ta ce ‘yan Najeriya da dama suna nuna damuwa kan yadda likitocin da ke aikin gwamnati ke aikin kashin kansu

Gwamnatin Najeriya tana son hana likitocin da ke aiki a asibitocin hukuma aiki na kashin kansu.

Ministan lafiyar Najeriya, Isaac Adewole, shi ne ya bayyana hakan da yake jawabi ga manema labarai a fadar shugaban kasar.

A cewarsa noma ne kawai sana’ar da dokar aikin gwamnatin Najeriya ta bai wa ma’aikatanta damar yi.

Saboda haka, majalisar zartawar kasar ta kafa kwamitin da za ta shawarci gwamnati da game yadda za ta yi da likitocin da ke aikin gwamnati tare da yin aikin kansu.

Baya ga haka majalisar zartarwar ta sake yanke hukuncin cewar za ta fara hana ma’aikatanta da suka shiga yajin aiki albashi na lokacin da ba sa aiki.

Masu sharhi dai na kallon daukar wannan mataki saboda yadda mafi yawan likitocin da ke aiki a asibitocin gwamnati ba sa mayar da hankali sosai kan aikinsu kamar yadda suke yi a aikinsu na kashin kansu.

Leave a Reply

Your email address will not be published. Required fields are marked *